"NIKKIAN JINDAN VADDE SAAKE"

 

"ਇੱਕ ਸੀ ਅਜੀਤ ਤੇ ਇੱਕ ਸੀ ਜੂਝਾਰ, ਕਲਗੀਧਰ ਦੇ ਲਾਡ ਪਿਆਰ !!
                         ਦੋਹਾਂ ਪੁੱਤਰਾਂ ਦੀਆਂ ਜੰਝਾਂ ਚੜੀਆਂ, ਪੰਜ ਪੰਜ ਘੋੜ ਸਵਾਰ !!"

ਖਾਲਸਾ ਜੀਓ...

ਆਪ ਜੀ ਦੇ ਸਨਮੁੱਖ ਕਲਗੀਧਰ ਦਸਮੇਸ਼ ਪੀਤਾ ਦੇ ਲਾਲਾਂ, ਸਾਹਿਬਜ਼ਾਦਾ ਅਜੀਤ ਸਿੰਘ ਜੀ ਅਤੇ ਸਾਹਿਬਜ਼ਾਦਾ ਜੂਝਾਰ ਸਿੰਘ ਜੀ, ਬਾਰੇ ਸੰਖੇਪ ਵਿੱਚ ਕੁਜ ਜਾਣਕਾਰੀ ਦੇਣ ਦਾ ਉਪਰਾਲਾ ਕੀਤਾ ਗਿਆ ਹੈ ਕਿ ਕਿਸ ਤਰਾਂ ਓਹਨਾ ਨਿੱਕੀਆਂ ਜਿੰਦਾਂ ਨੇ ਜਿਸ ਖਾਲਸਾ ਦੀ ਰੱਖਿਆ ਕਰਨ ਖਾਤਿਰ ਸ਼ਹਾਦਤ ਦੇ ਜਾਮ ਪੀਤੇ ਅਤੇ ਗੁਰੂ ਸਾਹਿਬ ਨੇ ਸਰਬੰਸ ਵਾਰ ਦਿੱਤਾ ਅਤੇ ਸਾਨੂ ਇਹ ਸੋਹਣਾ ਗੁਰਸਿੱਖੀ ਜੀਵਨ ਦਿਤਾ ਪਰ........ਉਸ ਖ਼ਾਲਸੇ ਨੇ " ਸੁਚੇ ਹੰਝੂਆਂ ਵਿਚ ਭਿੱਜੀ ਦਾਸਤਾਂ " (ਸਾਹਿਬਜ਼ਾਦਿਆਂ ਦੀ ਸ਼ਹੀਦੀ) ਦੇ ਆਦਰਸ਼ ਨੂੰ ਆਪਣੇ ਜੀਵਨ ਵਿਚ ਵਸਾਉਣ ਦਾ ਜਤਨ ਵੀ ਨਾ ਕੀਤਾ.....
ਸਗੋਂ ਅਸੀਂ ਅੱਜ ਇਸ ਇਤਿਹਾਸ ਅਤੇ ਇਸ ਕੁਰਬਾਨੀ ਨੂੰ ਭੁਲਾ ਕੇ ਕੁਰਾਹੇ ਪਏ ਹੋਏ ਹਾਂ l

ਆਓ ਇਹਨਾਂ ਛੋਟੀਆਂ ਜਿੰਦਾਂ ਦੇ ਵੱਡੇ ਸਾਕੇ ਨੂੰ ਨਤਮਸਤਕ ਕਰੀਏ ਤੇ ਅਰਦਾਸ ਕਰੀਏ ਕਿ ਵਾਹਿਗੁਰੂ ਜੀ ਸਾਨੂੰ ਧਰਮ ਦੇ ਮਾਰਗ ਤੇ ਚਲਣ ਅਤੇ ਬਾਣੀ ਨਾਲ ਜੋੜਨ ਜੀ........





                  ਸਾਹਿਬਜ਼ਾਦਾ ਅਜੀਤ ਸਿੰਘ ਜੀ (1687-1705)

ਕਲਗੀਧਰ ਦਸਮੇਸ਼ ਪਿਤਾ ਦੇ 4 ਪੁੱਤਰਾਂ ਵਿੱਚੋਂ ਸਭ ਤੋਂ ਵੱਡੇ ਸਨ "ਸਾਹਿਬਜ਼ਾਦਾ ਅਜੀਤ ਸਿੰਘ ਜੀ" l
ਆਪ ਜੀ ਦਾ ਜਨਮ ਮਾਤਾ ਸੁੰਦਰੀ ਜੀ ਦੀ ਕੁਖੋਂ 1687 ਵਿੱਚ ਪਉਂਟਾ ਸਾਹਿਬ ਵਿਖੇ ਹੋਇਆ ਸੀ l ਆਪ ਜੀ ਦੀ ਪਰਵਰਿਸ਼ ਅਨੰਦਪੁਰ ਸਾਹਿਬ ਦੀ ਸੁਭਾਗ ਧਰਤੀ ਤੇ ਹੋਈ ਅਤੇ ਆਪ ਜੀ ਬਚਪਨ ਤੋਂ ਹੀ ਸ਼ਸਤਰ ਵਿਦਿਆ, ਘੋੜ ਸਵਾਰੀ ਅਤੇ ਤਲਵਾਰ ਬਾਜੀ ਵਿੱਚ ਨਿਪੁੰਨ ਸਨ l ਆਪ ਜੀ ਨੇ ਛੋਟੀ ਉਮਰ ਵਿੱਚ ਹੀ ਕਈ ਜੰਗਾਂ ਵਿੱਚ ਵਿਜੈ ਹਾਸਿਲ ਕੀਤੀ l
ਆਪ ਜੀ ਨੇ 12 ਸਾਲ ਦੀ ਉਮਰ ਵਿੱਚ ਪਹਿਲੀ ਜੰਗ ਲੜੀ ਤੇ ਫਤਿਹ ਹਾਸਿਲ ਕੀਤੀ l 

           ਸਾਹਿਬਜ਼ਾਦਾ ਜੂਝਾਰ ਸਿੰਘ ਜੀ (1691-1705)

1691 ਵਿੱਚ ਮਾਤਾ ਸੁੰਦਰੀ ਜੀ ਨੇ ਸਾਹਿਬਜ਼ਾਦਾ ਜੂਝਾਰ ਸਿੰਘ ਜੀ ਨੂੰ ਜਨਮ ਦਿੱਤਾ l ਸਾਹਿਬਜ਼ਾਦਾ ਜੂਝਾਰ ਸਿੰਘ ਜੀ ਨੇ ਵੱਡੇ ਸਾਹਿਬਜ਼ਾਦਾ ਜੀ ਦੇ ਕਦੀਮਾਂ ਉੱਤੇ ਚਲਦੇ ਹੋਏ ਸ਼ਸਤਰ ਵਿਦਿਆ, ਘੋੜ ਸਵਾਰੀ ਅਤੇ ਤਲਵਾਰ ਬਾਜੀ ਵਿੱਚ ਨਿਪੁੰਨਤਾ ਹਾਸਿਲ ਕਰ ਲਈ ਸੀ l ਆਪ ਜੀ 8 ਸਾਲ ਦੀ ਉਮਰ ਵਿੱਚ ਹੀ ਖਾਲਸਾ ਸੱਜ ਗਏ ਸਨ l

                         

                             ਚਮਕੌਰ ਦੀ ਜੰਗ

1705 ਵਿੱਚ ਮੁਗਲ ਫੌਜਾਂ ਅਤੇ ਪਹਾੜੀ ਰਾਜਿਆਂ ਨੇ ਅਨੰਦਪੁਰ ਸਾਹਿਬ ਨੂੰ ਘੇਰਾ ਪਾ ਲਿਆ l ਉਹਨਾ ਦੀ ਝੂਠੀਆਂ ਕਸਮਾਂ ਤੇ ਯਕੀਨ ਕਰਕੇ  ਗੁਰੂ ਸਾਹਿਬ ਨੇ ਕਿਲਾ ਖਾਲੀ ਕਰਨ ਦਾ ਹੁਕਮ ਦਿੱਤਾ ਪਰ ਮੁਗਲ ਫੌਜ ਨੇ ਦਗਾ ਕਰਦੇ ਹੋਏ ਸਿਰਸਾ ਨਦੀ ਦੇ ਨੇੜੇ ਸਿੱਖਾਂ ਉੱਤੇ ਹਮਲਾ ਕਰ ਦਿੱਤਾ l ਜਿਸ ਕਰਕੇ ਸਾਰਾ ਪਰਿਵਾਰ ਵਿਛੜ ਗਿਆ l

 

ਗੁਰੂ ਸਾਹਿਬ, ਦੋਨੋਂ ਸਾਹਿਬਜ਼ਾਦਾ ਜੀ ਅਤੇ ੪੦ ਕੁ ਸਿੱਖ  ਚਮਕੌਰ ਦੀ ਗੜੀ ਚ ਆਕੇ ਬਸੇਰਾ ਕੀਤਾ l ਸਿੰਘਾਂ ਨੇ ਭੁੱਖਣ-ਭਾਣੇ ਬੜੀ ਦਲੇਰੀ ਨਾਲ ਮੁਗਲ ਫੌਜ ਦਾ ਟਾਕਰਾ ਕੀਤਾ ਅਤੇ ਜੱਦ ਅਸਲੇ ਦੀ ਕਮੀ ਅਤੇ ਸਿਖਾਂ ਦੀ ਗਿਣਤੀ ਘਟਣ ਲੱਗੀ ਤਾਂ ੫-੫ ਸਿੰਘਾਂ ਦੀ ਟੋਲੀ(ਜੱਥਾ) ਚ ਲੜਾਈ ਆਰੰਭ ਕੀਤੀ ਗਈ l
ਇਸ ਤਰਾਂ ਉਸ ਚਮਕੌਰ ਦੀ ਗੜੀ ਦੀ ਜੰਗ ਚ ਬੜੀ ਦਲੇਰੀ ਤੇ ਸੂਰਬੀਰਤਾ ਨਾਲ ਸਾਹਿਬਜ਼ਾਦਾ ਅਜੀਤ ਸਿੰਘ ਜੀ, ਸਾਹਿਬਜ਼ਾਦਾ ਜੂਝਾਰ ਸਿੰਘ ਜੀ ਅਤੇ ਅਨੇਕਾਂ ਸਿੰਘਾਂ ਨੇ ਸ਼ਹਾਦਤ ਦਾ ਜਾਮ ਪੀਤਾ l

ਉਹ ਸੁਭਾਗ ਧਰਤੀ, ਜਿਥੇ ਇਹਨਾ ਸੂਰਬੀਰ ਨਿੱਕੀਆਂ ਜਿੰਦਾਂ ਦੇ ਖੂਨ ਡੁੱਲੇ, ਉੱਤੇ ਗੁਰੂਦਵਾਰਾ ਕ਼ਤਲਗੜ ਸਾਹਿਬ ਸਸ਼ੋਭਿਤ ਹੈ l

                        ਗੁਰੂਦਵਾਰਾ ਕ਼ਤਲਗੜ ਸਾਹਿਬ

ਭੁੱਲ  ਚੁੱਕ  ਦੀ ਖਿਮਾ ਕਰਨੀ ਜੀ...

ਵਾਹਿਗੁਰੂ ਜੀ ਕਾ ਖਾਲਸਾ !!
ਵਾਹਿਗੁਰੂ ਜੀ ਕਿ ਫਤਿਹ !!



      Also visit  http://gurmatparcharcouncil.blogspot.com/

    e-mail: savesikhi@gmail.com; gurmatparcharcouncil@gmail.com

   

Message To SIKHS !!

Guru Svariyo Ji,


Do listen to the video as it gives a great message to Sikhism in an all new attempt by a little girl...........


.  







Bhul Chuk Maaf Karni Ji... 



Gur Fateh Ji !!

ਧੰਨ ਸ੍ਰੀ ਗੁਰੂ ਨਾਨਕ ਸਾਹਿਬ ਜੀ (1469-1539)

                    " ਵੱਡਾ ਪੁਰਖ ਪ੍ਰਗਟਿਆ
                                                     ਕਲਿਯੁਗ ਅੰਦਰ ਜੋਤ ਜਗਾਈ "



ਬਾਣੀ ਦੇ ਬੋਹਿਤਾ, ਇਨਸਾਨੀਅਤ ਦੇ ਰਹਿਬਰ ਅਤੇ ਕਲਿਯੁਗ ਦੇ ਤਾਰਣਹਾਰ ਧੰਨ ਸ੍ਰੀ ਗੁਰੂ ਨਾਨਕ ਸਾਹਿਬ ਜੀ ਨੇ ਰਾਇ ਭੋਇ ਕੀ ਤਲਵੰਡੀ ਦੀ ਸੁਭਾਗ ਧਰਤੀ ਤੇ 1469 ਈ. ਵਿੱਚ ਪ੍ਰਕਾਸ਼ ਧਾਰਿਆ l ਇਹ ਸੁਭਾਗ ਧਰਤੀ " ਨਨਕਾਣਾ ਸਾਹਿਬ " ਦੇ ਨਾਮ ਨਾਲ ਜਾਣੀ ਜਾਂਦੀ ਹੈ  ਜੋ ਕਿ ਲਾਹੋਰ ਪਾਕਿਸਤਾਨ ਵਿੱਚ ਹੈ l 

ਧੰਨ ਗੁਰੂ ਨਾਨਕ ਪਾਤਸ਼ਾਹ ਜੀ ਦੇ ਪਿਤਾ ਜੀ ਦਾ ਨਾਮ ਮਹਿਤਾ ਕਾਲੂ ਜੀ ਅਤੇ ਮਾਤਾ ਜੀ ਦਾ ਨਾਮ ਤ੍ਰਿਪਤਾ ਦੇਵੀ ਜੀ ਸੀ l ਬੇਬੇ ਨਾਨਕੀ ਜੀ ਗੁਰੂ ਜੀ ਦੇ ਵੱਡੇ ਭੈਣ ਸਨ l

ਗੁਰੂ ਨਾਨਕ ਸਾਹਿਬ ਜੀ ਦੀ ਮੁਢ ਤੋਂ ਹੀ ਸੁਰਤ ਅਕਾਲ ਪੁਰਖ ਦੀ ਉਸਤਤ ਚ ਲੀਨ ਰਹਿੰਦੀ ਸੀ l ਉਹਨਾਂ ਦੀ ਇਸ ਬਿਰਤੀ ਕਾਰਣ ਕਈ ਵਾਰ ਮਹਿਤਾ ਕਾਲੂ ਜੀ ਉਹਨਾਂ ਨਾਲ ਰੋਸ ਕਰਦੇ ਸਨ ਪਰ ਰਾਇ ਬੁਲਾਰ ਜੀ ਗੁਰੂ ਨਾਨਕ ਸਾਹਿਬ ਜੀ ਦੇ ਵੱਡੇ ਉਪਾਸਕ ਸਨ ਅਤੇ ਉਹਨਾਂ ਨੇ ਗੁਰੂ ਜੀ ਨੂੰ ਸੁਲਤਾਨਪੁਰ ਲੋਧੀ ਬੇਬੇ ਨਾਨਕੀ ਜੀ ਪਾਸ ਭੇਜ ਦਿੱਤਾ ਜਿਥੇ ਉਹਨਾਂ ਨੇ ਮੋਦੀਖਾਨੇ ਚ ਕੰਮ ਕੀਤਾ ਪਰ ਉੱਥੇ ਵੀ ਉਹਨਾਂ ਦਾ ਮੰਨ ਨਾ ਟਿਕਿਆ l

ਇੱਕ  ਦਿਨ ਗੁਰੂ ਨਾਨਕ ਪਾਤਸ਼ਾਹ  ਜੀ (1499 ਵਿੱਚ) ਵੇਈਂ ਨਦੀ ਵਿੱਚ ਲੋਪ ਹੋ ਗਏ ਅਤੇ 3 ਦਿਨ ਬਾਅਦ ਪ੍ਰਗਟ ਹੋਏ ਅਤੇ ਹੁਕਮ ਦਿੱਤਾ " ਨਾ ਕੋ ਹਿੰਦੂ ਨਾ ਮੁਸਲਮਾਨ......" ਅਤੇ ਸਮੂਹ ਕੌਮ ਨੂੰ ਇੱਕ ਅਕਾਲ ਪੁਰਖ ਦੀ ਉਸਤਤ ਵਿੱਚ ਲੱਗਣ ਲਈ ਕਿਹਾ ਅਤੇ " ਮੂਲ ਮੰਤਰ "(ਜੋ ਉਹਨਾਂ ਨੂੰ ਅਕਾਲ ਪੁਰਖ ਦਾ ਹੁਕਮ ਸੀ) ਦਿੱਤਾ ਜੋ ਆਦਿ ਗ੍ਰੰਥ ਦੀ ਅਰੰਮਬਿਕ ਬਾਣੀ ਹੈ l

ਗੁਰੂ ਨਾਨਕ ਸਾਹਿਬ ਨੇ ਆਪਣੇ ਗੁਰਸਿਖੀ ਜੀਵਨ ਵਿੱਚ ਅਨੇਕਾਂ ਪਾਪੀਆਂ ਨੂੰ ਤਾਰਿਆ, ਅਨੇਕਾਂ ਕੁਰਹਿਤਾਂ ਤੇ ਰੋਕ ਲਗਾਈ, ਦੁਨੀਆਂ ਨੂੰ ਤਾਰਦੇ ਹੋਏ 4 ਉਦਾਸੀਆਂ ਕੀਤੀਆਂ ਅਤੇ ਸਾਰੀ ਲੋਕਾਈ ਨੂੰ 3 ਸੁਨਹਰੀ ਉਪਦੇਸ਼ ਦਿੱਤੇ

• ਨਾਮ ਜਪੋ

• ਕਿਰਤ ਕਰੋ

• ਵੰਡ ਛਕੋ

ਗੁਰੂ ਨਾਨਕ ਸਾਹਿਬ ਜੀ ਨੇ ਆਪਣੇ ਅੰਤਲੇ ਸਮੇਂ ਨੂੰ ਜਾਣਦੇ ਹੋਏ ਆਪਣੇ ਬੇਟੇ ਅਤੇ ਆਪਣੇ ਉਪਾਸਕਾਂ ਦੀ ਪ੍ਰੀਖਿਆ ਲਈ ਅਤੇ ਭਾਈ ਲਹਿਣਾ ਜੀ ਨੂੰ ਗੁਰੂ ਅੰਗਦ ਨਾਮ ਨਾਲ ਨਿਵਾਜ ਕੇ ਦੂਜੇ ਨਾਨਕ ਵਜੋਂ ਥਾਪਿਆ ਅਤੇ ਆਪ ਜੀ 1539 ਈ. ਨੂੰ ਕਰਤਾਰਪੁਰ ਦੀ ਸੁਭਾਗ ਧਰਤੀ ਤੇ ਜੋਤੀ ਜੋਤ ਸਮਾਂ ਗਏ l

ਭੁੱਲ ਚੁੱਕ ਮਾਫ਼ ਕਰਨੀ ਜੀ
ਗੁਰੂ ਰੂਪ ਸਾਧ ਸੰਗਤ ਜੀ ਬਖਸ਼ਣ ਯੋਗ ਹੈ



ਵਾਹਿਗੁਰੂ ਜੀ ਕਾ ਖਾਲਸਾ !!
ਵਾਹਿਗੁਰੂ ਜੀ ਕਿ ਫਤਿਹ !!