ਅੱਜ ਸਿੱਖ ਬਹੁਤ ਹਨ ,
ਸਿੱਖੀ ਅਤੇ ਗੁਰਮਤਿ ਪ੍ਰਚਾਰ ਵੀ ਬਹੁਤ ਹੋ ਰਿਹਾ ਹੈ,
ਡੇਰੇ ਵੀ ਬਹੁਤ ਬਣ ਗਏ ਹਨ,
ਬਾਬੇ ਵੀ ਬਹੁਤ ਹੋਂਦ ਵਿੱਚ ਆ ਗਏ ਹਨ,
ਗੁਰੁਦੁਆਰੇ ਵੀ ਬਹੁਤ ਸਥਾਪਿਤ ਹੋ ਗਏ ਹਨ,
ਕੀਰਤਨ ਸਮਾਗਮ (ਜਿੰਨਾ ਨੂੰ ਮਹਾਂ ਪਵਿੱਤਰ ਯਾ ਫਿਰ ਮਹਾਨ ਅਲੋਕਿਕ ਕੀਰਤਨ ਦਰਬਾਰ ਵੀ ਦਸਿਆ ਜਾਂਦਾ ਹੈ ) ਵੀ ਅਨੇਕਾਂ ਹੋ ਰਹੇ ਹਨ !
ਪਰ ਸਿੱਖੀ ਅਤੇ ਸਿੱਖੀ ਸਿਦਕ ਕਿਤੇ ਅਲੋਪ ਹੋ ਗਿਆ ਹੈ !
ਖਾਲਸਾ ਤਾਂ ਅੱਜ ਵੀ ਸੱਜਦੇ ਹਨ ਪਰ ਗੁਰੂ ਕਾ ਖਾਲਸਾ ਕੋਈ ਵਿਰਲਾ ਹੀ ਜਾਪਦਾ ਇਸ ਕਲਯੁਗ ਵਿੱਚ !
ਅੱਜ ਸਿੱਖ ਗੁਰੂਆਂ ਦੀ ਬਾਣੀ, "ਸਾਹਿਬ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਦੀ ਅਨਮੋਲ ਬਾਣੀ” ਤੇ ਯਕੀਨ ਨਾ ਕਰਕੇ ਅਖੋਤੀ, ਦੇਹਧਾਰੀ ਬਾਬਿਆਂ, ਸਾਧੂ ਸੰਤਾਂ ਦੇ ਮਗਰ ਲਗਿਆ ਫਿਰਦਾ ਹੈ, ਓਹਨਾਂ ਦੇ ਪੈਰ ਧੋ ਕੇ ਪੀਣ ਲਈ ਘੰਟੇ ਬੱਧੀ ਓਹਨਾਂ ਦੇ ਡੇਰਿਆਂ ਤੇ ਪੰਗਤ ਵਿੱਚ ਖਲੋ ਜਾਂਦਾ ਹੈ ਪਰ ਗੁਰੂਦੁਆਰਾ ਸਾਹਿਬ ਜਾ ਕੇ ਬਾਣੀ ਵਿਚਾਰ, ਸਿਮਰਨ ਕਰਨ ਲਈ ਉਸ ਕੋਲ ਸਮਾਂ ਨਹੀਂ ਹੁੰਦਾ ! ਉਹ ਰੋਟੀ ਖਾਣੀ ਨਹੀਂ ਭੁਲਦਾ ਪਰ ਸਿਮਰਨ ਕਦੋਂ ਕੀਤਾ ਸੀ ਉਸਨੂੰ ਯਾਦ ਵੀ ਨਹੀਂ ਹੁੰਦਾ! ਅੱਜ ਮਨੁੱਖ ਦੇ ਘਰ ਤਾਂ ਪੱਕੇ ਹੋ ਗਏ ਹਨ, ਜੀਵਨ ਸ਼ੈਲੀ ਬਹੁਤ ਵਧੀਆ ਹੋ ਗਈ ਹੈ ਪਰ ਉਸਦਾ ਮੰਨ ਇੰਨਾ ਕੱਚਾ ਹੋ ਗਿਆ ਹੈ ਕਿ ਉਸਨੂੰ ਗੁਰਬਾਣੀ ਨਾਲੋ ਬਾਬੇ ਜਿਆਦਾ ਕਰਨੀ ਵਾਲੇ ਜਾਪਦੇ ਹਨ !
ਅੱਜ ਸਿੱਖ ਗੁਰੂਆਂ ਦੀ ਬਾਣੀ, "ਸਾਹਿਬ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ ਦੀ ਅਨਮੋਲ ਬਾਣੀ” ਤੇ ਯਕੀਨ ਨਾ ਕਰਕੇ ਅਖੋਤੀ, ਦੇਹਧਾਰੀ ਬਾਬਿਆਂ, ਸਾਧੂ ਸੰਤਾਂ ਦੇ ਮਗਰ ਲਗਿਆ ਫਿਰਦਾ ਹੈ, ਓਹਨਾਂ ਦੇ ਪੈਰ ਧੋ ਕੇ ਪੀਣ ਲਈ ਘੰਟੇ ਬੱਧੀ ਓਹਨਾਂ ਦੇ ਡੇਰਿਆਂ ਤੇ ਪੰਗਤ ਵਿੱਚ ਖਲੋ ਜਾਂਦਾ ਹੈ ਪਰ ਗੁਰੂਦੁਆਰਾ ਸਾਹਿਬ ਜਾ ਕੇ ਬਾਣੀ ਵਿਚਾਰ, ਸਿਮਰਨ ਕਰਨ ਲਈ ਉਸ ਕੋਲ ਸਮਾਂ ਨਹੀਂ ਹੁੰਦਾ ! ਉਹ ਰੋਟੀ ਖਾਣੀ ਨਹੀਂ ਭੁਲਦਾ ਪਰ ਸਿਮਰਨ ਕਦੋਂ ਕੀਤਾ ਸੀ ਉਸਨੂੰ ਯਾਦ ਵੀ ਨਹੀਂ ਹੁੰਦਾ! ਅੱਜ ਮਨੁੱਖ ਦੇ ਘਰ ਤਾਂ ਪੱਕੇ ਹੋ ਗਏ ਹਨ, ਜੀਵਨ ਸ਼ੈਲੀ ਬਹੁਤ ਵਧੀਆ ਹੋ ਗਈ ਹੈ ਪਰ ਉਸਦਾ ਮੰਨ ਇੰਨਾ ਕੱਚਾ ਹੋ ਗਿਆ ਹੈ ਕਿ ਉਸਨੂੰ ਗੁਰਬਾਣੀ ਨਾਲੋ ਬਾਬੇ ਜਿਆਦਾ ਕਰਨੀ ਵਾਲੇ ਜਾਪਦੇ ਹਨ !
ਅੱਜ ਦੇ ਮਨੁੱਖ ਦੀ ਇਹ ਤਰਸ ਲਾਇਕ ਹਾਲਤ ਇਸ ਤਰਾਂ ਬਿਆਨ ਕੀਤੀ ਜਾ ਸਕਦੀ ਹੈ :
"ਤਪ ਤੋਂ ਰਾਜ ਅਤੇ ਰਾਜ ਤੋਂ ਨਰਕ"
ਅਜੋਕਾ ਮਨੁੱਖ ਬਾਣੀ ਦਾ ਪੱਲਾ ਛਡੱ ਕੇ ਗੁਰੂ ਤੋਂ ਬੇਮੁੱਖ ਹੋ ਕੇ ਰਾਜ ਭਾਗ ਅਤੇ ਝੂਠੇ ਕਰਮ ਕਾਂਡਾਂ ਵੱਲ ਕੂਚ ਕਰ ਰਿਹਾ ਹੈ ਜੋ ਉਸਨੂੰ ਸਿਰਫ ਨਰਕਾਂ ਵਾਲੀ ਜ਼ਿੰਦਗੀ ਵੱਲ ਤੋਰ ਰਿਹਾ ਹੈ... !
ਓਹ ਭੁਲ ਗਿਆ ਹੈ ਕਿ " ਮਰਨਾ ਸਚੱ ਹੈ ਤੇ ਜਿਉਣਾ ਮੌਤ "
ਓਹ ਅੱਜ ਸਿਰਫ ਇਹ ਸਮਝਾ ਰਿਹਾ ਹੈ ਕਿ ਮੰਦਿਰ, ਮਸੀਤ ਜਾਕੇ ਪੰਡਿਤ ਯਾ ਪੀਰਾਂ ਦੇ ਦੱਸੇ ਅਨੁਸਾਰ ਦਾਨ ਪੁੰਨ ਕਰਨ ਲਈ ਮਨਾ ਥੋੜਾ ਕੀਤਾ ਬਾਣੀ ਵਿਚ , ਜੇ ਮਨਾ ਕੀਤਾ ਹੁੰਦਾ ਤਾਂ ਬਾਬਾ ਨਾਨਕ ਜੀ ਕਿਓਂ ਗਏ ਸੀ ਮਸੀਤ ਵਿਚ ਮੂਲੇ ਨਾਲ ਨਮਾਜ਼ ਪੜਨ, ਹਿੰਦੂ ਮੱਤ ਅਨੁਸਾਰ ਸੂਰਜ ਨੂੰ ਪਾਣੀ ਵੀ ਤਾਂ ਦਿੱਤਾ ਸੀ ਪਰ ਮਨੁੱਖ ਇਹ ਭੁੱਲ ਜਾਂਦਾ ਹੈ ਕਿ ਗੁਰੂ ਜੀ ਨੇ ਸਿੱਖ ਨੂੰ ਇਹ ਸਮਝਾਉਣ ਲਈ ਕਿ " ਪਰਮਾਤਮਾ ਇਹਨਾਂ ਕਰਮ ਕਾਂਡਾਂ ਵਿੱਚ ਨਹੀਂ , ਓਹ ਤਾਂ ਸਰਵ ਵਿਆਪਕ ਹੈ," ਕੀਤਾ ਸੀ !!
ਅੱਜ ਸਿੱਖੀ ਵਧਦੀ ਨਜ਼ਰ ਆ ਰਹੀ ਹੈ ਪਰ ਆਮ ਜਨਤਾ ਵਿਚੋਂ ਸਿੱਖੀ ਜੀਵਨ, ਸਚਿਆਰ ਜੀਵਨ, ਮਰਿਆਦਾ ਅਤੇ ਸਿੱਖੀ ਅਸੂਲ ਅਲੋਪ ਹੋ ਰਹੇ ਹਨ !
ਅੱਜ ਨੌਜਵਾਨ ਇਹ ਬਹਿਸ ਵਿੱਚ ਵਿਅਸਤ ਹੈ ਕਿ ਬਾਹਰੀ ਰੂਪ ਕੋਈ ਮਾਇਨੇ ਨਹੀਂ ਰਖਦਾ, ਮੰਨ ਸਾਫ਼ ਤੇ ਸਿੱਖੀ ਪ੍ਰੇਮ ਨਾਲ ਭਰਿਆ ਹੋਣਾ ਚਾਹੀਦਾ ਹੈ ! ਏਥੋਂ ਤਕ ਕੇ ਓਹ ਬਾਣੀ ਦੀਆਂ ਤੁਕਾਂ ਨੂੰ ਤੋੜ ਮੋੜ ਕੇ ਪੇਸ਼ ਕਰਦੇ ਹਨ ਤੇ ਸਮਝਾਉਂਦੇ ਹਨ ਕਿ ਬਾਣੀ ਵਿਚ ਵੀ ਬਾਹਰੀ ਰੂਪ ਨਾਲੋਂ ਮੰਨ ਤੇ ਜਿਆਦਾ ਜੋਰ ਦਿੱਤਾ ਗਿਆ ਹੈ !
ਖਾਲਸਾ ਜੀਓ, ਕੀ ਕੇਸ (ਜਿੰਨਾ ਲਈ ਗੁਰੂ ਸਾਹਿਬ ਨੇ ਸਰਬੰਸ ਵਾਰਿਆ, ਅਨੇਕਾਂ ਸਿਖਾਂ ਨੇ ਸ਼ਹੀਦੀ ਦੇ ਜਾਮ ਪੀਤੇ ) ਅੱਜ ਇੰਨਾ ਵੱਡਾ ਭਾਰ ਬਣ ਗਏ ਹਨ ਕਿ ਅਜੋਕਾ ਸਿੱਖ ਇਹਨਾਂ ਨੂੰ ਕੁਤਰਨ ਤੋਂ ਗੁਰੇਜ਼ ਨਹੀਂ ਕਰ ਰਿਹਾ ਹੈ ???
ਇਕ ਸਰਦਾਰ ਦੇ ਘਰ ਜਨਮ ਲੈਣ ਨਾਲ ਹੀ ਕੋਈ ਸਿੰਘ ਨਹੀਂ ਸੱਜ ਸਕਦਾ .......
ਅੱਜ ਸਿੱਖ ਸਿਰਫ ਦਿਖਾਵੇ ਦਾ ਸਿੱਖ ਬਣ ਕੇ ਰਹ ਗਿਆ ਹੈ, ਅੱਜ ਉਸਨੇ ਦਸਤਾਰ ਸਜਾਈ ਹੈ ਪਰ ਉਸ ਦਸਤਾਰ ਲਈ ਹੋਈਆਂ ਕੁਰਬਾਨੀਆਂ ਯਾਦ ਨਹੀਂ ਉਸਨੂੰ !
ਅੱਜ ਮਨੁੱਖ ਦਾ ਸਰੀਰ ਬਾਹਰੋਂ ਤਾ ਸ਼ਿੰਗਾਰਿਆ ਹੋਇਆ ਹੈ ਪਰ ਉਸਦੀ ਧਰਮ ਰੂਪੀ ਆਤਮਾ ਖਤਮ ਹੋ ਰਹੀ ਹੈ!
ਅਤੇ ਇਹ ਧਰਮ ਰੂਪੀ ਆਤਮਾ ਸਿਰਫ ਗੁਰਬਾਣੀ ਵਿਚਾਰ ਨਾਲ ਜੁੜ ਕੇ ਹੀ ਮਾਰਨ ਤੋਂ ਬਚਾਈ ਜਾ ਸਕਦੀ ਹੈ !
ਨਾਮ ਜਪੋ, ਕਿਰਤ ਕਰੋ ਅਤੇ ਵੰਡ ਛਕੋ ਦੇ ਸਿਧਾਂਤ ਨੂੰ ਯਾਦ ਰਖਣ ਦੀ ਲੋੜ ਹੈ !
ਦਾਸ ਕਿਸੇ ਧਰਮ ਯਾ ਫਿਰਕੇ ਦੇ ਖਿਲਾਫ਼ ਨਹੀਂ ਹੈ ਸਿਰਫ ਕਰਮ ਕਾਂਡਾਂ ਵੱਲ ਤੁਰੀ ਜਾ ਰਹੀ ਸਿੱਖ ਕੌਮ ਸਾਹਮਣੇ ਇਕ ਨਿਮਾਣੀ ਜਿਹੀ ਸੱਚਾਈ ਰਖਣ ਦਾ ਉਪਰਾਲਾ ਕੀਤਾ ਹੈ ਜੀ....
No comments:
Post a Comment